Følg lova, gjer kva du vil.
I etterkant av Zeitgeist-foredraget hans Bjørn Are Davidsen på Kjettersk Kjeller i går vart eg gjort oppmerksam på at ei norsk omsetting av The Book of the Law akkurat er utkommen, og at den derverande O.T.O.-representanten hadde med ein pose full av dryppande ferske salseksemplar.
Førsteutgåva av Lovens Bok (tilgjengeleg i 1500 eks.) er ei ganske lita bok, men ufatteleg tiltrekkande og eit funn for 100 kroner. Tøybokmerke. Raudt og svart blekk. Bladgullblomster(!) på innbindinga.
Slikt kallar eg åndsverk verdt å betala for. ISBN 978-82-92614-93-8.
I tillegg til den omsette teksta inneheld boka illustrasjonar, forklaringar og heile Aleister Crowleys originalmanus i faksimile.
Eg vart faktisk så inspirert og oppglødd over dette kuppet at eg skreiv ned heile Kardemommelova på baksida av eit langt kvitteringspapir og la att i baren på Hell Awaits etterpå. Og i dag er det Verdsbokdagen, så no skriv eg her.
2 Responses to “Følg lova, gjer kva du vil.”
Ser veldig fin ut. Er vel for mykje å vone at den skal vere på nynorsk?
Redd for det, ja. Men teksta inneheld ein del høgverdige, arkaiske tiltaleformar (I og eder) som kunne ha vore interessante å sjå på nynorsk.
For øvrig hadde eg kanskje i staden vald meg den enda meir nyutgjevne Unni Drougges lydboka «Boven i mitt drama kallas kärlek», om eg hadde 1. visst om henne og 2. fått sjansen til å høre henne først, berre fordi eg skulle rett på Civita-pubmøtet med John Perry Barlow da eg skreiv innlegget.
Leave a Reply